Ameya Khopkar: अशी अभद्र युती होऊ नये, मनसेचा बडा नेता राज आणि उद्धव ठाकरे एकत्र न येण्यासाठी करतोय देवाकडे प्रार्थना|VIDEO

आगामी महानगरपालिका निवडणुकीच्या अनुषंगाने महाराष्ट्रात कधीही न बघितलेली आणि सर्वांना उत्सुकता असणारी युती होणार असल्याची संकेत मिळाले आहे. ती म्हणजे मनसे आणि शिवसेना उबाठा हे एकत्र येण्याची चर्चा आज सकाळपासून रंगली आहे. त्याच कारण म्हणजे राज ठाकरे यांनी एका मुलाखतीत उद्धव ठाकरे यांच्याबरोबर युती करण्याचा प्रस्ताव समोर ठेवला आहे. तसेच महाराष्ट्राच्या हितासाठी आम्ही किरकोळ वाद बाजूला ठेवून भांडणं विसरायला तयार आहे असे सांगितले. त्यानंतर सर्वांच्याच राजकीय भुवया उंचावल्या असून राजकीय नेत्यांकडून वेगवेगळ्या प्रतिक्रिया येत आहे. यावरच मनसेचे मोठे नेते अमेय खोपकर यांनी ट्विट करत तिखट प्रतिक्रिया दिली आहे. यामुळे एकच खळबळ उडाली आहे. 'अशी अभद्र युती होऊ नयेत' हीच ईश्वरचरणी प्रार्थना असं म्हणत त्यांनी या युतीला टोकाचा विरोध दर्शवला आहे.