Abdul Sattar News : उद्धव ठाकरेंच्या मनावर परिणाम झालाय, अब्दुल सत्तार यांचा पलटवार

उद्धव ठाकरे यांच्या मनावर परिणाम झालेला आहे. त्यांना मंत्री पदावरून पाय उतार करण्यासाठी माझा महत्त्वाचा रोल राहिलेला आहे, हे त्यांना माहीत असल्यामुळे ते असं बोलत आहेत. मात्र त्यांनी कितीही प्रयत्न केले तरी माझा पराभव इथे कोणीही करू शकत नाही, असा पलटवार शिवसेना शिंदे गटाचे आमदार आणि सिल्लोडचे उमेदवार अब्दुल सत्तार यांनी उद्धव ठाकरे यांच्यावर पलटवार केला आहे. आज छत्रपती संभाजीनगरच्या सिल्लोड येथील प्रचार सभेत उद्धव ठाकरे यांनी अब्दुल सत्तार यांना पाडण्यासाठी भाजपला साद घातली आहे. आपले मतभेद बाजूला ठेवू पण एकत्र येऊ असं सांगताना ही शेवटची संधी आहे असं भाजपला आवाहन करत सत्तार यांचा पराभव करण्याची भाषा यावेळी ठाकरेंनी केली. त्यावर आता अब्दुल सत्तार यांनी साम टीव्हीशी बोलताना ठाकरेंना प्रत्युत्तर दिलं आहे. उलट उद्धव ठाकरे सिल्लोडमध्ये आल्याने माझ्या मतात वाढ झाली आहे, असा दावाही सत्तार यांनी केला आहे.

Edited By Rakhi Rajput