Imtiaz Jalil : नांदेडच्या पोटनिवडणुकीतून एमआयएमची माघार; इम्तियाज जलील यांचा मोठा खुलासा

छत्रपती संभाजीनगरचे एमआयएमचे माजी खासदार इम्तियाज जलील यांनी नांदेड पोटनिवडणुकीतून माघार घेतली आहे. एमआयएम नांदेडची पोटनिवडणूक लढणार नसल्याचं यावेळी त्यांनी स्पष्ट केलं आहे.

नांदेड लोकसभेची पोटनिवडणूक लढवण्यात स्वत: एमआयएमचे प्रदेशाध्यक्ष इम्तियाज जलील आग्रही होते. मात्र आता त्यांनी नांदेडच्या पोटनिवडणुकीतून माघार घेतली असल्याचं जाहीर केलं आहे. एमआयएम ही पोटनिवडणूक लढणार नसल्याचं त्यांनी म्हंटलं आहे. आता आमचं लक्ष हे विधानसभेच्या जागांवर आहे. पूर्ण ताकदीने आम्ही विधानसभा लढवू, असंही त्यांनी म्हंटलं आहे. नांदेडच्या निवडणुकीवरून आम्ही लक्ष काढून घेतलं आहे. विधानसभेला असलेल्या आमच्या १४-१५ जागांवर आता आम्ही लक्ष केंद्रित केलं आहे. त्यामुळे आम्ही आमची सर्व ताकद आता विधानसभा निवडणुकीत लावू, असं यावेळी प्रसारमाध्यमांशी बोलताना जलील यांनी म्हंटलं आहे.

Edited By Rakhi Rajput