Ajit Pawar : अजितदादांना आणखी एक धक्का ?

अजित पवार यांच्या गटातला आणखी एक मोहरा शरद पवार यांच्या गळला लागण्याची शक्यता असल्यानं दादांना पुन्हा एकदा धक्का बसण्याची शक्यता आहे. अजित पवार यांच्या खेड दौऱ्यानंतर खासदार डॉ. अमोल कोल्हे आणि दादांचे कट्टर समर्थक अनिलबाबा राक्षे यांची भेट झाली. या भेटीमुळे राजकीय नेत्यांच्या भुवया उंचावल्या गेल्या आहेत.

अजित दादांचे कट्टर समर्थक मानले जाणारे अनिल राक्षे हे राष्ट्रवादी अजित पवार गटात नाराज असल्याचं समोर आलं आहे. त्यामुळेच त्यांनी खासदार कोल्हे यांच्यासोबत भेट घेतल्याचं बोललं जात आहे. त्यांच्या या भेटीचे अनेक तर्कवितर्क राजकीय गोटात सध्या लावले जात आहेत. जर आगामी विधानसभेत अनिलबाबा राक्षे शरद पवारांच्यासोबत आले तर या मतदारसंघातील समीकरण पूर्ण बदलून जाईल. महायुतीसमोर मोठी डोकेदुखी यामुळे तयार होईल. त्यामुळे महायुती अनिल राक्षे यांची नाराजी दूर करेल का ? ही बघणे महत्वाचे ठरणार आहे.