कोकणात सह्याद्रीच्या दऱ्याखोऱ्यांमध्ये पाऊस चांगला कोसळतो आहे. त्यामुळे निसर्गाची रंगत खुलली आहे. या पावसामुळे डोंगरातून वाहणाऱ्या धबधब्यांच्या प्रवाहात मोठी वाढ झाली असून, रत्नागिरी जिल्ह्यातील प्रसिद्ध धार्मिक स्थळ असलेल्या मार्लेश्वर येथील धबधबाही याचाच एक भाग ठरत आहे. डोंगर रांगांमधून फेसाळत कोसळणारा हा धबधबा सध्या पर्यटक आणि भाविकांसाठी आकर्षणाचे केंद्र ठरत आहे. परिसरातील डोंगररांगा हिरवाईने नटल्या असून, संततधार पावसामुळे वातावरण थोडंसं धुक्याचं आणि थंड झाले आहे. मार्लेश्वर मंदिराच्या परिसरात भक्तीचा माहोल आणि निसर्गाचं सौंदर्य यांचं अनोखं मिश्रण अनुभवायला मिळत आहे. देवदर्शनाबरोबरच निसर्गरम्य वातावरणाचा आस्वाद घेण्यासाठी अनेक पर्यटक येथे गर्दी करत आहेत. पावसाळ्यातील हे सौंदर्य डोळ्यांत साठवण्यासाठी अनेकांनी येथे भेट देण्यास सुरुवात केली आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.