Maratha Reservation: मुंबई महापालिकेसमोर मराठा आंदोलकांनी फडकवला भगवा झेंडा|VIDEO

मुंबई : आझाद मैदानावर सुरू असलेल्या मराठा आरक्षण आंदोलनाचा आज तिसरा दिवस आहे. मनोज जरांगे यांच्या नेतृत्वाखाली सुरू असलेल्या या आंदोलनाला राज्याच्या कानाकोपऱ्यातून मोठ्या प्रमाणावर मराठा समाज जमा होऊ लागला आहे. आज सकाळी आंदोलनस्थळी उत्साहवर्धक चित्र पाहायला मिळाले. मुंबई महापालिका मुख्यालयासमोरील सिग्नल खांबावर काही मराठा आंदोलक तरुणांनी चढून भगवा झेंडा फडकवला. झेंडा फडकवल्यानंतर कार्यकर्त्यांमध्ये जल्लोषाचे वातावरण होते. तसेच, महापालिका कार्यालयासमोरील लोकप्रिय सेल्फी पॉईंटवर काही आंदोलक क्रिकेट खेळताना दिसले. आंदोलनाच्या तणावपूर्ण वातावरणातही आंदोलकांनी उत्साही आणि आपुलकीचे स्वरूप दाखवत वेगळं चित्र उभं केलं आहे.