VIDEO : नाशिकमध्ये मराठा आंदोलकांनी नाना पटोलेंची कार अडवली

नाशिकमध्ये मराठा समाज आक्रमक झाला असून, मुख्यमंत्री एकनाथ शिंदे यांच्यासह काँग्रेस प्रदेशाध्यक्ष नाना पटोले यांना घेराव घालून जाब विचारणार असल्याचा इशारा देण्यात आला होता. मराठा आरक्षणावर भूमिका स्पष्ट करण्याची मागणी करण्यात येणार होती. याआधीही सुप्रिया सुळे यांना घेराव घालून मराठा आंदोलकांनी मराठा आरक्षणावर भूमिका स्पष्ट करण्याची मागणी केली होती. आता नाशिकमध्ये आलेल्या नाना पटोलेंची मराठा आंदोलकांनी कार अडवली. त्यांना मराठा आरक्षणावर भूमिका स्पष्ट करावी अशी मागणी केली. नाना पटोलेंनी मराठा आंदोलकांचे म्हणणे ऐकून घेतले. मराठा आरक्षणावर विरोधकांची भूमिका काय आहे, हे इथं स्पष्ट करावे. आम्हाला सत्ताधाऱ्यांना यासंदर्भात जाब विचारायचा आहे, असं आंदोलकांनी नाना पटोलेंना सांगितलं.