शेतकऱ्यांसाठी बच्चू कडूनंतर जरांगेंही आक्रमक, सरकारला दिला कडक इशारा, म्हणाले...

Manoj Jarange latest statement on farmers protest : 2 नोव्हेंबरची शेतकरी आंदोलनाच्या संदर्भात होणारी अंतरवाली सराटी येथील बैठक रद्द करण्यात आल्याची माहिती मनोज जरांगे पाटील यांनी दिली. शेतकऱ्यांच्या विविध प्रश्नावर शेतकरी नेत्यांसोबत बैठक होणार होती. सध्या राज्यामध्ये शेतकऱ्यांचं आंदोलन सुरू आहे. नागपूरमध्ये एकजूट दिसली पाहिजे, दोन जागेवर नको, त्यामुळे असं वाटतं की दोन तारखेची बैठक पुढे ढकलू. शेतकऱ्यांचा आंदोलन सुरू असताना परत बैठक घेणं माझ्या बुद्धीला पटत नाही. शेतकरी आणि शेतकऱ्याचा एक जीव दिसला पाहिजे, म्हणून सध्या तरी दोन तारखेची आयोजित बैठक रद्द करूयात, असे जरांगे म्हणाले.

या आंदोलनातून सरकारने मागण्या मान्य केल्या नाही तर आपण बैठक घेऊन कशा मागण्या मान्य करत नाही ते बघू,असा इशारा दिला. शेतकरी दोन गटात दिसू नाही, शेतकरी एक जीवाचा दिसला पाहिजे.तिकडे आंदोलन सुरू असताना इकडे बैठक घेणं शोभण्यासारखं नाही, असे जरांगे म्हणाले.