Manoj Jarange Patil News | जरांगेंना आंदोलनाची परवानगी नाकारली! जरांगे पाटील काय निर्णय घेणार?

अंतरवला सराटी : मनोज जरांगे पाटील हे पुन्हा उपोषणाला बसणार आहेत. मनोज जरांगे यांच्या उद्याच्या उपोषणाला पोलिसांनी परवानगी नाकारली आहे. अंतरवली सराटीत जरांगेंचं आंदोलन होणार आहे. मनोज जरांगे चौथ्यांदा उपोषणाला बसणार आहेत. अंतरवलीच्या गावकऱ्यांनी जिल्हाधिकाऱ्यांना दिलेले निवेदन तसेच आजूबाजूच्या गावातील दिलेल्या निवेदनावरून प्रशासनाने जातीय सलोखा बिघडण्याची शक्यता तसेच ग्रामपंचायतच्या कामांना अडथळा आणि महिला आणि शालेय विद्यार्थ्यांना होणारा त्रास लक्षात घेता ही परवानगी नाकारली आहे.मराठा समाज हा मोठ्या संख्येने त्यांच्या पाठीशी आहे. त्यामुळे या पार्श्वभूमिवर मनोज जरांगे काय भूमिका घेतात हे पाहणं महत्त्वाचं असणार आहे.