VIDEO: भाजपातला अंतर्गत वाद चव्हाट्यावर, Manda Mhatre यांची Ganesh Naik यांच्यावर सडकून टीका

नवी मुंबईत भाजपचा अंतर्गत वाद पुन्हा एकदा चव्हाट्यावर आला आहे. बेलापूरच्या भाजप आमदार मंदा म्हात्रे यांनी गणेश नाईकांवर टीका केली आहे. काही दिवसांपूर्वी आमदार गणेश नाईक यांचे पुत्र संदीप नाईक यांनी बेलापूरमध्ये जनसंपर्क कार्यालयाचे उद्घाटन केलं होतं. त्यानंतर आज एका कार्यक्रमात बोलताना मंदा म्हात्रे यांनी गणेश नाईक यांच्यावर टीका केली आहे. या दहा वर्षात मी केलेली कामं, आणि वाढलेलं मतदान यावर डोळा ठेवून काही लोकं आमदार व्हायला निघाले आहेत. जशी सीसीटीव्हीची परिसरात बारीक नजर असते, तशीच नजर माझी या बेलापूर मतदारसंघावर असल्याच यावेळी मंदा म्हात्रे यांनी सांगितलं. मला बोलायला लावू नका असं म्हणत म्हात्रे यांनी घणाघाती टीका देखील केली आहे.