Maharashtra Weather Update: राज्यात पावसाची शक्यता! पुढचे 3 दिवस अवकाळीसह गारपीट होण्याचाही अंदाज

Maharashtra Unseosonal Rain News Today: राज्यात पुढचे तीन दिवस पावसाची शक्यता वर्तवण्यात आली आहे. तसंच गारपीट देखील होण्याचा अंदाज वर्तवण्यात आलाय. गेल्या काही दिवसांपासून राज्याच्या वेगवेगळ्या भागात अवकाळी पावसाने हजेरी लावली आहे. काही ठिकाणी मुसळधार ते अतिमुसळधार पाऊस झाला आहे. अशातच राज्याच्या वेगवेगळ्या भागात अवकाळी पाऊस होण्याचा अंदाज हवामान विभागाने वर्तवला आहे. अवकाळीच्या शक्यतेमुळे शेतकरी धास्तावले आहेत. आधीच अवकाळी पावसाने प्रचंड नुकसान झालेलं असताना आता पुन्हा एकदा पावसाच्या शक्यतेनं शेतकऱ्यांची चिंता वाढवलीय.