MLC Election News Today: विधान परिषदेसाठी अजित पवार गटाची रणनिती ठरली? उमेदवारी कुणाला?

अजित पवार (Ajit Pawar News Today) यांनीही विधानपरिषदेसाठी (MLC Election Today) रणनिती आखली आहे. निवडणुकीत मुस्लिम आणि दलित मतांचा बसलेला फटका लक्षात घेता अजित पवार गटाने महत्त्वाची रणनिती आखली असल्याचं सांगितलं जातंय. विधान परिषदेच्या 11 जागांसाठी लवकरच निवडणूक पार पडणार आहे. या निवडणुकीत राष्ट्रवादी काँग्रेस अजित पवार गट मुस्लिम आणि दलित चेहरा देण्याची शक्यता वर्तवली जाते आहे. त्यामुळे अजित पवार गटाकडून नेमकी विधान परिषदेच्या निवडणुकीत कुणाला संधी दिली जाते, हे पाहणं महत्त्वाचं ठरणार आहे. 2 जागांसाठी अजित पवार गट नेमकी उमेदवारी कुणाला देतात, याकडे महत्त्वाचं लक्ष लागलंय. बाबाजानी दुर्राणींना पुन्हा उमेदवारी अजित पवार गटाकडून दिली जाणार का? हे पाहणं औत्सुक्याचं ठरणार आहे.