Ajit Pawar- Sharad Pawar: काका- पुतण्या एकत्र येणार? पवार कुटुंबातील कटुता कमी होणार?

भरत मोहळकर, साम प्रतिनिधी

अजित पवारांनी वाढदिवसाच्या निमित्ताने शरद पवारांची भेट घेतली आणि राजकीय वर्तुळात पवार कुटुंब एकत्र येण्याच्या चर्चा रंगल्या. त्यातच आता रोहित पवारांच्या आई सुनंदा पवारांनी पवार कुटुंब एकत्र येण्याविषयी सूचक वक्तव्य केलंय. त्यामुळे काका-पुतण्या एकत्र येण्याविषयीच्या चर्चांना आणखीच बळ मिळालंय. सुनंदा पवारांच्या विधानाचं अजित पवारांच्या पक्षाने स्वागत केलंय.. मात्र रोहित पवार, जितेंद्र आव्हाड आणि अमोल कोल्हेंना काका-पुतण्यानं एकत्र यावं, असं वाटतं का? असा खोचक सवालही केलाय.. तर आमच्यात दोन मतप्रवाह नसल्याचं अनिल देशमुखांनी म्हटलंय.

विधानसभेच्या निकालानंतर शरद पवारांनी अजित पवारांचं कौतूक केलं होतं. तर दिल्लीतील भेटीनंतर युगेंद्र पवारांनाही पुढील पाडवा एकत्र साजरा केला जाण्याची शक्यता वर्तवली होती. त्यामुळे राष्ट्रवादीच्या फुटीनंतर निर्माण झालेल्या कौटुंबिक कटुतेसोबत राजकीय कटुताही मिटणार का? आणि शरद पवार आणि अजित पवार एकत्र येणार का? याची उत्सुकता लागलीय..