Maharashtra Politics : बार्शीच्या आमदाराचं मनोज जरांगे पाटलांना ओपन चॅलेंज, काय म्हणाले? पाहा VIDEO

मुंबई : बार्शीचे अपक्ष आमदार राजेंद्र राऊत यांनी मनोज जरांगे पाटील यांना ओपन चॅलेंज दिलंय. नेमकं कोणाला शिव्या देत आहात तुम्ही, काय चाललं आहे? नीट विषय तरी समजून घ्या, अशा शब्दांत त्यांनी मनोज जरांगे यांच्यावर निशाणा साधलाय. ज्या मराठा समाजाने तुमचा मान ठेवला, आदर केला. मराठ्यांचे आमदार, आजी - माजी मंत्री उगाच कोणाच्या वाट्याला जायचे म्हणून गप्प बसत असल्याचं राजेंद्र राऊत यांनी म्हटलंय.

आमदार राजेंद्र राऊत म्हणाले की, माझ्या आतड्याला इन्फेक्शन झाल्यामुळे मी जरांगे पाटील यांना ४ ते ५ दिवस उशीरा भेटायला गेलो. तेव्हा जरांगे पाटील यांनी वापरलेली भाषा, बोलण्याची पद्धत योग्य होती का? हा संस्कृत्पणा झाला का? असा सवाल राऊत यांनी विचारलाय. हेच छत्रपती शिवाजी महाराजांनी आपणास शिकवलं आहे का? या प्रश्नाचे उत्तर द्या, असं म्हणत राजेंद्र राऊत यांनी जरांगे पाटील यांच्यावर हल्लाबोल केलाय.