Maharashtra Politics: राज्यपाल नियुक्त 12 आमदारांची नियुक्ती ऑगस्टमध्ये होणार

विधान परिषदेतील राज्यपाल नियुक्त 12 आमदारांबाबत मोठी बातमी समोर आलीय. राज्यातील तत्कालीन महाविकास आघाडी सरकारच्या काळापासून रिक्त असलेल्या या 12 जागा विधानसभेच्या आचारसंहितेपूर्वी भरल्या जाणार आहेत. या आमदारांची नियुक्ती येत्या ऑगस्ट महिन्यात केली जाणार असल्याची माहिती सुत्रांनी साम टीव्हीला दिलीय. दरम्यान या आमदारांच्या नियुक्त्यांवरुन महाविकास आघाडी आणि महाराष्ट्राचे राज्यपाल यांच्यात चांगलाच वाद झाला होता. आता या आमदारांची नियुक्ती ऑगस्ट महिन्यात केली जाणार आहे. भाजप ६, शिवसेना शिंदे गट -३, अजित पवार गट राष्ट्रवादी तीन आमदारांची नियुक्ती होणार आहे. दरम्यान मविआ सरकार असतानांच १२ आमदारांची यादी तत्कालीन राज्यपाल कोश्यारी यांच्याकडे दिली होती. परंतु राज्यपाल भगतसिंह कोश्यारी यांनी त्याबाबत कोणताच निर्णय घेतला नव्हता.