Election Commision: सोशल मीडियावरील प्रचार अडचणी वाढवणार? जिल्हाधिकाऱ्यांची नोटीस, उमेदवारांना 48 तासांत उत्तर द्यावं लागणार!

सोशल मीडियावर प्रचार करणं काही लोकसभा उमेदवारांना भोवण्याची शक्यता आहे. निवडणूक आयोगाची परवानगी न घेता सोशल मीडियात प्रचार केल्याप्रकरणी नाशिक आणि दिंडोरीच्या उमेदवारांना नोटीस पाठवण्यात आली आहे. जिल्हाधिकाऱ्यांनी पाठवलेल्या या नोटीशीला आता ४८ तासांच्या आता उमेदवारांना उत्तरही द्यावं लागणार आहे. महायुतीचे उमेदवार हेमंत गोडसे, महाविकास आघाडीचे राजाभाऊ वाजे, अपक्ष शांतीगिरी महाराज, सिध्देश्‍वरानंद सरस्वती तर दिंडोरीतील महाविकास आघाडीचे भास्कर भगरे यांना नोटीस पाठवण्यात आली आहे. सोशल मीडियावर पोस्ट करण्यात आलेले प्रचाराचे व्हिडीओ जर हटवले गेले नाहीत, तर या उमेदवारांवर कारवाईही केली जाण्याची शक्यता वर्तवली जाते आहे.