Rain Alert : राज्यभरात वादळी वाऱ्यासह मुसळधार पावसाचा इशारा | VIDEO

राज्यात आजही पावसाचा जोर कायम राहणार असून हवामान विभागानं अनेक जिल्ह्यांसाठी मुसळधार पावसाचा इशारा दिला आहे. काही भागांत वादळी वाऱ्यांसह पावसाचा अंदाज वर्तवण्यात आला आहे.सिंधुदुर्ग, कोल्हापूर आणि घाटमाथ्याच्या भागांना रेड अलर्ट देण्यात आला असून, हवामान विभागाकडून नागरिकांनी सावध राहण्याचं आवाहन करण्यात आले आहे.

दरम्यान, मुंबई, ठाणे, पालघर, नाशिक घाट आणि कोल्हापूर परिसरात यलो अलर्ट जारी करण्यात आलाय. पावसामुळे नद्या, ओढ्यांचे पाणीपातळी वाढण्याची शक्यता असल्याने प्रशासन सतर्क झालं आहे.हवामान विभागाने दिलेल्या अंदाजानुसार, पुढील २४ ते ४८ तास राज्यासाठी अतिशय महत्त्वाचे ठरणार आहेत. नागरिकांनी अनावश्यक प्रवास टाळण्याचे आवाहन करण्यात येत आहे.