Shivaji Maharaj Wagh Nakh: लंडनमधील 'ती' वाघनखं छत्रपती शिवाजी महाराजांची नाहीत? खळबळजनक खुलासा, पाहा VIDEO

छत्रपती शिवाजी महाराज यांची लंडनमधून भारतात आणले जाईल, असं महायुती सरकारमधील नेते वारंवार सांगत आहेत. त्यामुळे शिवप्रेमींमध्ये आनंदाचं वातावरण आहे. अशातच लंडनच्या व्हिक्टोरिया अँड अल्बर्ट म्युझियम येथून भारतात आणली जाणारी वाघ नखे छत्रपती शिवाजी महाराजांची नाहीत, असे स्पष्ट मत इतिहास संशोधक इंद्रजीत सावंत यांनी व्यक्त केलंय.

ते कोल्हापुरात पत्रकारांशी बोलत होते. लंडन इथल्या म्युझियमने इतिहास संशोधक इंद्रजीत सावंत यांना याबाबत पत्र पाठवलं आहे. या पत्रात ही वाघ नखं छत्रपती शिवाजी महाराजांची असल्याचा कोणताही पुरावा नसल्याचं म्हटलं आहे. मग महाराष्ट्र सरकार ही वाघ नख छत्रपती शिवाजी असल्याचं खोटा दावा का करतेय असा प्रश्न त्यांनी उपस्थित केलाय.

दरम्यान खरी वाघ नख ही साताऱ्यातून बाहेर गेल्याची किंवा कोणाला भेट दिल्याचा पुरावा नाही याबाबतची अधिकची माहिती उदयन महाराज स्वतः देऊ शकतील. त्यांनी याबाबत पुढे येऊन बोलावं, असेही इतिहास संशोधक इंद्रजीत सावंत यांनी म्हटले आहे.