Sindhudurg News | आंबोली घाटात मोठा दगड कोसळल्याने रस्त्याला भेगा

सिंधुदुर्गातील आंबोली घाटात रस्त्यावर धबधब्याच्या परिसरात भला मोठा दगड कोसळला आहे. हा दगड बाजूलाच असलेल्या संरक्षक भितीकडे जाऊन स्थिरावला आहे. पहाटेच्या सुमारास ही घटना घडली. सुदैवाने यात कुठलीही जिवीतनाही झालेली नाही. मात्र भलामोठा दगड रस्त्यावर कोसळल्यामुळे रस्त्यावर मोठ्या भेगा पडल्या आहेत. त्यामुळे हा रस्ता धोकादायक बनला आहे. ऐन पावसाळ्याच्या तोंडावर अशा प्रकारे दगड कोसळून रस्त्यावर मोठ्या भेगा पडल्यामुळे वाहतूकीस धोकादायक बनली आहे. त्यामुळे वाहन चालक व पावसाळ्यात पर्यटनासाठी येणाऱ्या पर्यटकांमध्ये भितीचे वातावरण आहे.