Ladki Bahin Yojana : लाडक्या बहिणींना लवकरच २,१०० रुपये मिळणार, महायुतीतील मंत्र्याचं मोठं विधान

Ladki Bahin Yojana Update : नियमात न बसणाऱ्या लाडक्या बहिणींना योजनेचे लाभ सोडावे असे आवाहन महसूलमंत्री चंद्रशेखर बावनकुळे यांनी केले आहे. लवकरच बहिणींना २,१०० रुपये देणार असे देखील बावनकुळे यांनी सांगितले आहे.

'लाडकी बहीण योजनेच्या निकषात न बसणाऱ्या लाभार्थींनी स्वत:हूनच लाभ सोडला तर बरं आहे. याबाबत शहानिशा केली जाणार आहे. ज्या लाभार्थी महिला निकषात बसत नाही, त्यांना योजनेतून बाहेर काढले जाईल. तसेच ज्या लाभार्थी महिला निकषांमध्ये बसतात, त्यांच्यासाठी ही योजना कायमस्वरुपी लागू असेल. जोपर्यंत राज्यामध्ये आमचं सरकार असेल, तोपर्यंत ही योजना राहणार आहे. आम्ही २,१०० रुपये देण्याचा शब्द दिला आहे. जेव्हा आम्ही सक्षम होऊ तेव्हा तो शब्दही पूर्ण करु', असे वक्तव्य चंद्रशेखर बावनकुळे यांनी केले आहे.