Ladki Bahin Yojana : महिनाभरात लाडकी बहीण योजनेची संख्या ५ लाखांनी झाली कमी | Video

मुख्यमंत्री माझी लाडकी बहीण योजनेची संख्या ही महिनाभरात ५ लाखांनी कमी झालेली आहे. डिसेंबर महिन्यात २.४६ कोटी लाभार्थी महिलांना १५०० हजार रुपयांचा लाभ मिळत होता. मात्र जानेवारीत ही संख्या २.४१ कोटींवर आलेली आहे. एकंदरीतच राज्य सरकारने योजनेतील लाभार्थ्यांची यादी तयार करून खर्चात कपात करण्याची योजनासुद्धा आखलेली आहे.

६५ वर्ष किंवा त्यापेक्षा जास्त वय असलेल्या महिलांना लाडकी बहीण योजनेतून वगळण्यात आलेलं आहे. संजय गांधी निराधार योजनेअंतर्गत २ लाख लाभार्थी महिलांना देखील आता या योजनेतून अपात्र ठरवलं आहे. नमो शेतकरी सन्मान योजनेतील लाभार्थ्यांची देखील पात्रता कमी होणार आहे. कल्याणकारी योजनांसाठी खर्च वाढल्यामुळे देखील ही संख्या कमी झालेली आहे. महिनाभरात लाभार्थ्यांच्या संख्येत ५ लाखांची घट झाली आहे.