Maharashtra Politics: भाजप प्रवेश अचानक घडला नाही, यामागे मोठा इतिहास; कुणाल पाटील यांनी सगळंच सांगितलं|VIDEO

कॉँग्रेसनेते आणि राहुल गांधी यांचे निकटवर्तिय माजी आमदार कुणाल पाटील यांनी कॉँग्रेसला सोडचिठ्ठी देत भाजपमध्ये काल पक्षप्रवेश केला.

याच विषयावर बातचीत करण्यासाठी कुणाल पाटील यांनी साम टीव्हीच्या ब्लॅक अँड व्हाईट या कार्यक्रमाला मुलाखत दिली. धुळे जिल्हयातील एक कॉँग्रेसचा महत्वपूर्ण चेहरा तसेच त्यांच्या तीन पिढ्या या कॉँग्रेसमध्ये होत्या. मात्र असे अचानक काय झाले की कुणाल पाटील यांना भाजपचा झेंडा हाती घ्यावा लागला. हाच प्रश्न त्यानं विचारला असता ते म्हणाले, पक्षप्रवेश हा काही अचानक घडला नाहीये. यामागे मोठा इतिहास आहे.

गेल्या तीन पिढ्यांपासून आम्ही कॉँग्रेसमध्ये होतो. आमचे आजोबा आणि वडिलांच्या नावाने अनेक प्रकल्प, धरण आज ही खानदेशात आहे. कॉँग्रेसने देशाला आणि महाराष्ट्राला घडवायचे काम केले आहे. परंतु ज्या पद्धतीने उत्तर महाराष्ट्राचा विकास व्हायला पाहिजे होता. तो झाला नाही आणि खानदेशला कधीही मुख्यमंत्री मिळाले नाही अशी खंतही कुणाल पाटील यांनी बोलून दाखवली.