Konkan Railway News : कोकण रेल्वेला पावसाचा फटका, बोगद्यात पाणी भरल्याने वाहतूक बंद

मुंबई : कोकण रेल्वेला (Konkan Railway) पावसाचा (Heavy Rain) फटका बसला आहे. मुसळधार पावसामुळे पेडणे बोगद्यात (Pedne Tunnel) पाणी भरले आहे. त्यामुळे कोकण रेल्वेची वाहतूक ठप्प झाली आहे. मुंबईहून कोकणच्या दिशेने जाणाऱ्या काही गाड्या आता रद्द झाल्या आहेत. तर काही गाड्यांचा मार्ग बदलण्यात आला आहे. दुसरीकडे मुंबई आणि ठाण्यात पावसाने विश्रांती घेतली असल्याने नागरिकांना दिलासा मिळाला आहे. मंगळवारी हवामान विभागाने पावसाचा इशारा दिला होता. त्यामुळे अनेक शाळांना सुटीही जाहीर केली होती.