Kolhapur : कोल्हापूरमध्ये मुसळधार पाऊस; ५७ बंधारे पाण्याखाली | VIDEO

कोल्हापूर जिल्ह्यातील धरण क्षेत्रात सुरु असलेल्या मुसळधार पावसामुळे राधानगरी धरण ओव्हरफ्लो झाले आहे. भोगावती नदीत मोठ्या प्रमाणात पाण्याचा विसर्ग करण्यात आला आहे. त्यामुळे नदीकाठच्या नागरिकांना सतर्क राहण्याचं आवाहन प्रशासनाकडून करण्यात आलं आहे.दरम्यान, पंचंगंगा नदी ही दुथडी भरुन वाहते आहे. दोन महिन्यांमध्ये पंचंगंगा नदी पात्रा बाहेर पडलेली असल्याचे दिसून येत आहे. पावसामुळे पंचगंगा नदीची पातळी तब्बल ३५ फूटांवर पोहोचली आहे. त्यामुळे शहर आणि परिसरातील ५७ बंधारे पूर्णतः पाण्याखाली गेले आहेत. त्यामुळे पर्यायी मार्गाने वाहतूक सुरु ठेवण्यात आली आहे. आणखी पावसाचा जोर कायम राहिल्यास पूरस्थिती तीव्र होण्याची शक्यता व्यक्त केली जात आहे.