Kolhapur Jail News: कैद्यांपर्यंत कोण पोहोचवतंय मोबाईल फोन? कोल्हापूर जेलमधून आणखी 10 मोबाईल जप्त!

कोल्हापूर : कोल्हापुरातील कळंबा कारागृहातून दोन दिवसात आणखी दहा मोबाईल जप्त करण्यात आले आहेत. कळंबा कारागृहामध्ये राबविण्यात आलेल्या ऑपरेशन दरम्यान ही कारवाई करण्यात आली. दरम्यान, कोल्हापूर क्लीन मोहिमेत पुन्हा मोबाईल सापडले असल्यानं जेल प्रशासनावरही अनेक सवाल उपस्थित केले जात आहेत. कारागृह अधीक्षक विवेक झेंडे यांनी कळंबा कारागृहाची झाडाझडती केली. गेल्याच आठवड्यात 75 मोबाईल याच जेलमध्ये आढळून आले होते. जेलमध्ये असलेल्या कैद्यांकडे मोबाईल फोन आले कुठून असा सवाल यानिमित्ताने विचारला जात होता. त्यातच पुन्हा करण्यात आलेल्या कारवाईत आणखी मोबाईल फोन जप्त करण्यात आले आहेत. आता जेल प्रशासन पुन्हा ॲक्शन मोडवर आल्याचं यानिमित्तानं पाहायला मिळतंय.