संघर्ष गांगुर्डे, साम टीव्ही
कल्याण शहरातील पिसवली परिसरात क्षुल्लक कारणावरून महिलांमध्ये झालेल्या वादाचे रूपांतर थेट हाणामारीत झाल्याची धक्कादायक घटना समोर आली आहे. या घटनेचा व्हिडिओ सध्या सोशल मीडियावर मोठ्या प्रमाणात व्हायरल होत असून नागरिकांमध्ये संताप व्यक्त केला जात आहे.
मिळालेल्या माहितीनुसार, किरकोळ वादातून दोन गटांतील महिलांमध्ये जोरदार बाचाबाची झाली. काही क्षणांतच वाद चिघळत गेला आणि एका महिलेला इतर महिलांनी मारहाण केल्याचे व्हिडिओत दिसत आहे. परिसरातील काही नागरिकांनी मध्यस्थी करण्याचा प्रयत्न केला, मात्र परिस्थिती काही काळ तणावपूर्ण बनली होती.
घटनेचा व्हिडिओ सोशल मीडियावर व्हायरल झाल्यानंतर पोलिसांनी त्याची दखल घेत तपास सुरू केला आहे. संबंधित महिलांची ओळख पटविण्याचे काम सुरू असून, चौकशीनंतर योग्य ती कायदेशीर कारवाई करण्यात येणार असल्याची माहिती पोलिसांकडून देण्यात आली आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.