Kalyan Lok Sabha Election: उद्धव ठाकरे यांनी अर्ज मागे घ्यायला सांगितला म्हणून अर्ज मागे घेतला - रमेश जाधव

कल्याण : कल्याण लोकसभा मतदारसंघात महाविकास आघाडीचा तिढा सुटलाय. ठाकरे गटाचे माजी महापौर रमेश जाधव यांनी उमेदवारी अर्ज मागे घेतलाय. उद्धव ठाकरे यांनी अर्ज मागे घेण्यास सांगितल्याने अर्ज मागे घेतल्याचं रमेश जाधव यांनी म्हटलंय. कल्याण लोकसभा मतदारसंघात ठाकरे गटाच्या वैशाली दरेकरच अधिकृत उमेदवार असल्याचंही त्यामुळे आता स्पष्ट झालंय. कल्याणमध्ये रमेश जाधव यांनी उमेदवारी अर्ज भरल्यानं चर्चांना उधाण आलं होतं. अखेर रमेश जाधव यांनी उमेदवारी अर्ज मागे घेतल्यानं कल्याणमध्ये वैशाली दरेकर विरुद्ध श्रीकांत शिंदे अशी लढत होणार असल्याचं स्पष्ट झालंय. या लढतीत आता कोण बाजी मारतं, हे पाहणं महत्त्वाचंय.