Jammu Kashmir: जम्मू-काश्मिरमध्ये दहशतवादी हल्ल्यात 20 पेक्षा जास्त पर्यटकांचा मृत्यू|VIDEO

जम्मू काश्मीरच्या पहलगाम येथे आज अचानक दहशतवाद्यांनी भारतीय पर्यटकांवर हल्ला केला असून यामध्ये 20 भारतीयांचा मृत्यू झाला आहे. अशी माहिती सूत्रांकडून देण्यात आली आहे. पहलगामच्या बैसरन भागात हा गोळीबार झाल्याची माहिती सामोर आली आहे.

तर जखमी झालेले पर्यटक हे राजस्थान, महाराष्ट्रातले असून काही पुणे येथील आहेत. सर्वात महत्वाचे म्हणजे काही दिवसातच अमरनाथ यात्रा सुरू होत आहे. त्यामुळे चिंता व्यक्त केली जात आहे. दहशतवादी हे पोलीस युनिफॉर्ममध्ये आले आणि त्यांनी हा हल्ला केल्याची माहिती प्राप्त झाली आहे. या हल्ल्यामागे टीआरएफ दहशतवादी संघटनेचा हात असल्याची शक्यता वर्तवली जात आहे. यानंतर गृहमंत्री शहा हे श्रीनगरकडे रवाना झाले आहे. तसेच पंतप्रधान यांनी देखील अमित शहा यांच्याशी फोनद्वारे संवाद साधला आहे.