Shubhanshu Shukla: अभिमानाचा क्षण! १७ दिवसानंतर शुभांशु शुक्ला पृथ्वीवर परतले, आई-वडिलांच्या डोळ्यात अश्रू|VIDEO

भारतीय अंतराळवीर शुभांशु शुक्ला यांचे आज अंतराळातील १७ दिवसांच्या प्रवासानंतर पृथ्वीवर यशस्वी पुनरागमन झाले. स्पेस एक्सच्या यानाद्वारे त्यांनी आंतरराष्ट्रीय अंतराळ केंद्रातून पृथ्वीवर सुखरूपपणे पुनरागमन केले. हे यान कॅलिफोर्नियातील किनारपट्टीवर दुपारी तीनच्या सुमारास उतरले.

शुक्ला यांच्यासह आणखी तीन अंतराळवीर २५ जून रोजी अंतराळात गेले होते. या मोहिमेदरम्यान त्यांनी आंतरराष्ट्रीय अंतराळ केंद्रात विविध वैज्ञानिक प्रयोग व निरीक्षणे केली. त्यांच्या परतीच्या प्रवासात यानाची डिलकिंग प्रक्रिया यशस्वीरीत्या पार पडली, आणि संपूर्ण मिशन अत्यंत शिस्तबद्ध आणि सुरक्षित रितीने पूर्ण झाले. पृथ्वीवर परतल्यावर शुभांशु शुक्ला यांचे जल्लोषात स्वागत करण्यात आले. त्यांचे आई-वडीलही या वेळी उपस्थित होते. मुलाला पुन्हा सुरक्षित पाहून त्यांच्या डोळ्यांत आनंदाश्रू तरळत होते. संपूर्ण भारतासाठी हा अत्यंत अभिमानाचा क्षण ठरला आहे. एक भारतीय अंतराळवीर म्हणून शुक्ला यांनी अंतराळात दाखवलेले धैर्य, शिस्त आणि वैज्ञानिक योगदान संपूर्ण देशाच्या गौरवात भर घालणारे आहे.