VIDEO: Palghar जिल्हयात 19 वर्षाखालील गर्भवती महिलांच्या संख्येत वाढ

पालघरमध्ये बाल विवाहाचं प्रमाण जास्त असल्याची धक्कादायक बातमी समोर येत आहे. पालघर जिल्ह्यात 36,168 गर्भवती माता असून यांपैकी तब्बल 2462 गर्भवती माता या 19 वर्षाखालील आहेत. मोखाडा तालुक्यात एका अल्पवयीन गर्भवती मातेचा मृत्यू झाल्यानंतर ही धक्कादायक आकडेवारी समोर आली आहे. डहाणू तालुक्यात तब्बल 743 गर्भवती माता 19 वर्षा खालील असून त्या खालोखाल जव्हार तलासरी आणि विक्रमगड तालुक्यात अल्पवयीन मातांचा आकडा अधिक आहे . या आकडेवीरमुळे बालविवाह रोखण्यास जिल्हाप्रशासन अपयशी ठरतय की काय असा प्रश्न उपस्थित राहत आहे. याबाबत कठोर कारवाई करावी अशी मागणी जिल्हा परिषदेचे अध्यक्ष प्रकाश निकम यांनी केली आहे.