Maharashtra Politics : शिंदे गटाची रणनिती तयार?

शिंदे गटाची निवडणूक नियोजन रणनिती ठरवण्यासाठी मंत्री दादा भुसे यांच्या बंगल्यावर एक अत्यंत महत्वाची बैठक बोलावण्यात आली आहे. शिंदे गटाची रणनिती बैठकीला जेष्ठ मंत्री उदय सामंत उपस्थित आहेत. मुख्यमंत्री एकनाथ शिंदे यांनी मंत्री उदय सामंत यांना तात्काळ रत्निगीरीवरून मुंबईला बैठक घेण्यासाठी बोलवल आहे. शिंदे आणि सामंत यांच्यातील चर्चेचा अहवाल एकनाथ शिंदे यांना देण्यात येणार आहे.

त्यामुळे या बैठकीमुळे शिंदे गट देखील अॅक्शन मोडवर आलेला बघायला मिळत आहे. विधानसभेसाठी आपली ताकद किती आहे यासाठी शिवसनेने देखील सर्व्हे केला आहे. त्यावरून अनुकूल जागांची एक यादी देखील बनवण्यात आली आहे. याच यादी सांदर्भात दादा भुसे आणि उदय सामंत यांच्यात चर्चा सुरू आहे. त्यानंत हा अहवाल मुख्यमंत्री एकनाथ शिंदे यांना दिला जाणार आहे. विधानसभा निवडणुकीसाठी मतदारसंघांच्या जागावाटपा संदर्भात महत्वाची चर्चा होत आहे. जेष्ठ मंत्री उदय सामंत आणि दादा भूसे यांच्यात शिवसेनेच्या जागावाटपाची चर्चा संपल्यावर या चर्चेतील रिपोर्ट मुख्यमंत्री शिंदे यांना सादर केला जाणार आहे. मुख्यमंत्री शिंदे शिवसेनेच्या जागावाटपाचा अंतीम निर्णय घेणार आहेत.