मोठी बातमी! पूजा खेडकरच नव्हे तर महाराष्ट्रासह देशात २२ बोगस IAS, IPS अधिकारी, धक्कादायक माहिती समोर

Puja Khedkar news : देशात तब्बल 22 आय ए एस, आय पी एस अधिकारी बोगस? असल्याचा संशय व्यक्त होत आहे. "UPSC फाईल्स" या कागदपत्रामुळे खळबळ माजली आहे. या २२ पैकी ४ जण महाराष्ट्रातील असल्याची धक्कादायक माहिती मिळाली आहे. RTI कार्यकर्ते विजय कुंभार यांचे थेट यु पी एस सी ला पत्र.

देशातील एकूण 22 आय ए एस, आय पी एस आधिकारी बोगस असल्याचा दावा "UPSC फाईल्स" या डॉक्युमेंट मधून समोर आलाय. या 22 जणांपैकी चार जण महाराष्ट्रातील असून विशेष म्हणजे एक जण शिक्षणाचे माहेरघर म्हणून ओळख असलेल्या पुण्यातील आहे. ई डब्ल्यू एस फोटो प्रमाणपत्र घेऊन तसेच दिव्यांग सर्टिफिकेट घेऊन आयोगाची फसवणूक केल्याचा दावा या डॉक्युमेंट मधून करण्यात आला आहे. सामाजिक कार्यकर्ते विजय कुंभार यांनी या संदर्भात ट्विट करत यू पी एस सी कडे पत्र लिहीत तक्रार केली आहे. या संपूर्ण प्रकरणी विजय कुंभार यांनी या सर्व अधिकाऱ्यांची चौकशी व्हावी अशी मागणी सुद्धा त्यांनी केलीय.