Holi Festival: राज्यात होळीचा उत्साह शिगेला, VIDEO

"होळी रे होळी, पुरणाची पोळी!" असे म्हणत आनंदाने साजरा केला जाणारा हा सण रंग, उत्साह आणि एकोपा वाढवणारा असतो.

रायगड जिल्ह्यातही होळीचा उत्साह शिगेला पोहोचला आहे. दरवर्षीप्रमाणे यंदाही कोळीवाड्यात मोठ्या थाटामाटात, जल्लोषात आणि पारंपरिक पद्धतीने होळी साजरी करण्यात आली. लहानग्यांपासून ज्येष्ठांपर्यंत सर्वांनीच या सणाचा आनंद लुटला. रात्री कोळीवाड्यात ठिकठिकाणी होळी पेटवण्यात आल्या. स्त्रियांनी होळीचे मनोभावे पूजन करून नैवेद्य अर्पण केला.

यानंतर, सर्वांनीच डीजेच्या तालावर ठेका धरला. गुलाल आणि रंगांच्या सान्निध्यात, हास्य-विनोद आणि नृत्याच्या लयीत कोळीवाडा जल्लोषमय झाला. एकोप्याचा, आनंदाचा आणि रंगोत्सवाचा हा सोहळा कोळी बांधवांसाठी वर्षानुवर्षे परंपरेचा भाग राहिला आहे.

होळीच्या या रंगतदार सणानिमित्त सर्वत्र आनंदाचे, प्रेमाचे, मैत्रीचे आणि बंधुत्वाचे रंग अधिक गडद झाले.