Holi News : होळी, शिमग्यासाठी कोकणात जाणाऱ्या चाकरमान्यांना वाहतूक कोंडीचा सामना करावा लागत आहे. मुंबई - गोवा हायवेवर वाहनांच्या लांबच लांब रांगा लागल्याचे पाहायला मिळत आहे. गावी जाऊन होळी साजरी करणारे चाकरमानी ट्रॅफिक जाममध्ये अडकले आहेत.
होळी त्यातही शिमगा हा प्रत्येक कोकणी माणसाचा जिव्हाळ्याचा विषय असतो. कामानिमित्त मुंबई, पुणे सारख्या महानगरांमध्ये वास्तव्याला राहणारा प्रत्येक चाकरमानी होळीसाठी गावी जात असतो. यंदाही अनेकजण गावाला शिमगोत्सवासाठी जात आहेत. एकाच वेळेला बरेचसे लोक कोकणात जायला निघाल्याने मुंबई-गोवा हायवेवर वाहतूक कोंडी झाल्याची माहिती समोर आली आहे. वाहनांच्या तब्बल ७ ते ८ किमी लांब रांगा लागल्या आहेत. रस्त्यांचे काम सुरु असल्याने, रस्ता अरुंद असल्याने वाहतूक कोंडीची समस्या उद्भवल्याचे म्हटले जात आहे. मानगाव, इंदापूर येथे ट्रॅफिक जाम झाल्याने चाकरमान्यांना त्रास सहन करावा लागला आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.