VIDEO: Mumbai पूर्व उपनगरात मुसळधार, सखल भागात पाणी साचण्यास सुरुवात

मुंबई पूर्व उपनगरात पावसाची जोरदार बॅटिंग सुरु आहे. भांडुप, कुर्ला, विक्रोळी या परिसरात जोरदार पाऊस कोसळत आहे. सखल भागांमध्ये पाणी साचायला सुरुवात झाली असून असाच पाऊस कायम राहिला तर या भागांमध्ये पाणी देखील साचण्याची शक्यता वर्तवली जात आहे. शनिवारी देखील पावसाने सकाळपासूनच हजेरी लावली होती त्यामुळे नागरिकांची मोठ्या प्रमाणावर तारांबळ उडाली होती. लोकल सेवा, वाहतूक सेवांचा देखील खोळंबा झालेला पाहायला मिळाला होता, तर आता सकाळपासूनच पावसाने मुंबई उपनगरात जोरदार हजेरी लावली आहे.