VIDEO: Mumbai ला अतिमुसळधार पावसाचा इशारा, BMC आयुक्तांकडून उपाययोजनांचा आढावा

सोमवारी मुंबईत मुसळधार पाऊस झाला. पावसामुळे येथील जनजीवन विस्कळीत झालं होतं, तर आता भारतीय हवामान विभागाने मुंबई महानगराला अतिमुसळधार पावसाचा इशारा दिला आहे. याच पार्श्वभुमीवर बृहन्मुंबई महानगरपालिकेच्या सर्व यंत्रणा सज्ज झाल्या आहेत. महानगरपालिका आयुक्त तसेच प्रशासक स्वतः आपात्कालीन विभागामध्ये उपस्थित असून परिस्थितीचा आढावा घेत आहेत. आवश्यकता असेल तरच घराबाहेर पडावे असं आवाहन बृहन्मुंबई महानगरपालिका प्रशासनाकडून केलं जात आहे. मध्यरात्रीपासून मुंबई मध्ये पावसाने विश्रांती घेतली आहे. त्यामुळे लोकलसेवा ह्या सुरळीत सुरु आहेत.