Weather Alert: वादळी वाऱ्यासह पावसाची जोरदार हजेरी, लातूरकरांची तारांबळ|VIDEO

यंदा मान्सून लवकर दाखल झाल्याने संपूर्ण राज्यात मुसळधार पाऊस सुरू आहे. काल देखील मुंबईसह पुणे, आणि राज्यातील अनेक महत्वाच्या ठिकाणी पाऊस पडल्याने नागरिकांची तारांबळ उडाली होती. पुणे जिल्ह्यात देखील वादळी वाऱ्यासह पावसाने तूफान बॅटिंग केल्याने पुणे जिल्ह्यात पूरसदृश्य परिस्थिति निर्माण झाली होती. लातूर जिल्ह्यात देखील सकाळपासूनच वातावरणात उकाडा जाणवत होता.

मात्र दुपारनंतर लातूर जिल्ह्यातल्या अनेक भागात आणि शहरात मुसळधार तुफान पाऊस सुरू झाला आणि विजांचा कडकडाट आणि वादळीवारा देखील सुरू झाली आहे. तर शहरातल्या अनेक भागात पाणीच पाणी झाले आहे. दरम्यान पुढील तीन ते चार तास लातूर जिल्ह्याला मेघगर्जनेसह मुसळधार पावसाचा इशारा देखील हवामान विभागाने दिला आहे. नागरिकांनी देखील कामाशिवाय बाहेर पडू नये असे आवाहन प्रशासनाकडून करण्यात आले आहे.