Nanded Flood : पुराच्या पाण्यात अडकला शेतकरी; रेस्क्यू ऑपरेशनचा थरारक VIDEO

नांदेड : महाराष्ट्रातील काही जिल्ह्यांना आज मुसळधार पावसानं झोडपलं. अकोला जिल्ह्यातील अकोट तालुक्यातील काही गावांत ढगफुटीसदृश्य पाऊस कोसळल्यानंतर तिथं पुराचं पाणी काही घरांमध्ये शिरलं होतं. आता नांदेडमध्येही मुसळधार पाऊस बरसला. जिल्ह्यातील काही भागांना पावसाचा जोरदार तडाखा बसला. नांदेडच्या किनवट तालुक्यातील तेलंगणा सीमेवरील अप्पारावपेठ येथील नाल्याला पूर आला होता. यामध्ये एक वयोवृद्ध शेतकरी अडकला होता. त्याला बाहेर काढण्याचे प्रयत्न युद्धपातळीवर सुरू होते. येथील काही शेतकऱ्यांनी शर्थीचे प्रयत्न केले. दोराच्या साह्याने या शेतकऱ्याला वाचवण्यात यश आलं. तर याच ठिकाणी आलेल्या पुरात बैलजोडी वाहून गेली.