Beed Rain News | उकाड्यापासून दिलासा! बीडमध्ये मुसळधार पावसाची हजेरी!

Beed Rain News | बीड जिल्ह्यात गेल्या 7 दिवसांपासून तापमानाचा पारा 43 डिग्री सेल्सिअसवर गेल्याने नागरिक प्रचंड उष्णतेने हैराण झाले होते. एकीकडे पाण्याचा तीव्र दुष्काळ असताना, दुसरीकडे तापमानाचा पारा वाढल्याने नागरिकांच्या अंगाची लाहीलाही होताना पाहायला मिळत आहे. मात्र याच उष्णतेचा सामना करणाऱ्या बीड जिल्ह्यातील नागरिकांना जोरदार पावसाने दिलासा दिला आहे. बीडच्या नवगण राजुरी परिसरात सुसाट वाऱ्यासह अर्धा तास झालेल्या पावसाने नागरिकांना गर्मीपासून दिलासा मिळाला आहे.बीडमध्ये वादळी वाऱ्यासह तुफान पाऊस झाल्याने नागरिकांची चांगलीच तारांबळ उडाली.मात्र या उष्णतेपासून नागरिकांना दिलासा मिळाला आहे.