Raigad Politics: पालकमंत्रीपदाचा वाद निवळला? भरत गोगावले आणि अदिती तटकरेंचा एकत्र नाश्ता, VIDEO

रायगड जिल्ह्याच्या राजकारणात अनेक वर्षांपासून गोगावले आणि तटकरे यांच्यातील संघर्ष सर्वश्रुत आहे. विशेषतः रायगडच्या पालकमंत्रीपदावरून मंत्री आदिती तटकरे आणि शिंदेसेनेचे मंत्री भरत गोगावले यांच्यात रस्सीखेच सुरू आहे.

मंत्री आदिती तटकरे यांची रायगडच्या पालकमंत्रीपदी नियुक्ती होताच भरत गोगावले यांनी तीव्र नाराजी व्यक्त केली. त्यानंतर काही तासांतच मुख्यमंत्री देवेंद्र फडणवीस यांनी या निर्णयाला स्थगिती दिली होती. अद्याप या पदाचा तिढा सुटलेला नसून शिंदेगट आणि अजित पवार गटामध्ये मोठा संघर्ष सुरू आहे.

या पार्श्वभूमीवर आदिती तटकरे आणि भरत गोगावले यांच्यात आरोप प्रत्यारोपाच्या फैरी झडत असताना आज दोघेही एका हॉटेलमध्ये गप्पा मारत नाश्ता करताना दिसले. त्यामुळे हा वाद निवळला का? दोघांचे मतभेद संपुष्टात आले का? अशी चर्चा रंगू लागली आहे.