Saam TV Impact News | जमिनीचा वाद, जेसीबीच्या साहाय्याने तरुणीला जिवंत गाडण्याचा प्रयत्न

पुण्यात जेसीबीच्या सहाय्याने एका तरुणीला जिवंत गाडण्याचा प्रयत्न केला आहे. जमिनीच्या वादातून ही घटना घडली आहे. पुण्यातील राजगड तालुक्यात कमल खोपडे या आपल्या दोन मुलींसोबत शेतात काम करत होत्या. तेव्हा संभाजी खोपडे हा पंधरा ते सोळा लोकांना घेऊन शेतात आला आणि ही जमीन आमची आहे असा दावा करू लागला. तेवाह कमल खोपडे यांची कन्या प्रणाली खोपडेने विरोध केला. तेव्हा खोपडे यांनी जेसीबीने प्रणालीला जिवंत गाडण्याचा प्रयत्न केला. या घटनेचे व्हिडीओ सोशल मिडीयावर व्हायरल झाल्यानंतर एकच खळबळ उडाली. रात्री उशिरा पोलिस स्थानकात गुन्हा दाखल झाला असून यावर चौकशी सुरु आहे.