Gold Smuggling : मुंबई विमानतळावर मोठी कारवाई; 7.44 कोटींचं सोनं जप्त, अंतर्वस्त्रातून सर्वाधिक तस्करी

मुंबईच्या आंतरराष्ट्रीय विमानतळावर सोने तस्करीचा पर्दाफाश केला आहे. मागील तीन दिवसांत तब्बल ७.४४ कोटी रुपये किंमतीचे सोने जप्त करण्यात आले आहे. सीमा शुल्क विभागाने ही धडक कारवाई केली आहे. १८ प्रकरणांत ११.६२ किलो सोने जप्त केले आहे. त्यात सोन्याचे दागिने, विटा, सोन्याची पूड, सोन्याच्या मेणाचा समावेश आहे. यात परदेशी नागरिकांसह एकूण सात जणांना अटक केली आहे. गुदद्वार तसेच अंतर्वस्त्रे, कपडे आणि बुटात लपवून ही तस्करी केली जात होती. १२ लाख रुपयांची रोकडही कारवाईत जप्त केलीय.