Milk Price Hike : खिशाला कात्री, अमूलनंतर आता गोकुळचे दूधही महागलं, पाहा नवे दर काय?

Gokul Milk Price Hike News : किरकोळ महागाईच्या वाढत्या लाटेत आता गोकुळ दूधाच्या किंमतीतही वाढ झाली आहे. कोल्हापूर दूध उत्पादक संघाने ४ मेपासून नवे दर लागू केले असून, यामुळे मुंबई, ठाणे, रायगड आणि पालघर जिल्ह्यांतील ग्राहकांना जास्त पैसे मोजावे लागणार आहेत. गोकुळच्या फुल क्रीम (क्लासिक) दूधाची किंमत आता ७४ रुपये प्रतीलिटर, तर ५ लिटर पॅक ३६५ रुपये झाले आहे. गाय दूध (सात्विक) ५८ रुपये प्रतीलिटरवर पोहोचले आहे. मात्र, टोण्ड आणि गोकुळ शक्ती दूधाचे दर जैसे थे राहणार आहेत. अमूलनंतर गोकुळच्या या दरवाढीमुळे सर्वसामान्यांच्या घरगुती बजेटवर ताण येणार आहे. दूध उत्पादकांना या वाढीचा लाभ मिळेल, पण ग्राहकांच्या खिशावर पुन्हा भार पडेल. ही वाढ पॉलिथीन पॅकिंगमधील सर्व दूध प्रकारांसाठी लागू आहे, असे संघाने स्पष्ट केले.