Dagdusheth Ganpati immersion : लाडक्या दगडुशेठ गणपतीचं विसर्जन; मिरवणुकीला भाविकांची तुफान गर्दी, VIDEO

पुणे : लाडक्या दगडुशेठ गणपतीचं विसर्जन मिरवणुकीत काढण्यात आली. दगडुशेठ गणपतीच्या मिरवणुकीत हजारो भाविकांनी हजेरी लावली. भाविकांचं अतुट श्रद्धास्थान असलेलं दगडुशेठ गणपतीचं विसर्जन 8 वाजून 50 मिनिटांनी करण्यात आलं आहे. डेक्कन येथील पांचाळेश्वर विसर्जन घाटावर दगडूशेठ गणपतीच विसर्जन पर्यावरण पूरक पद्धतीने करण्यात आलं आहे. अतिशय भक्तिमय वातावरणात पुणेकरांनी आपल्या लाडक्या दगडुशेठ गणपती बाप्पाला निरोप दिला आहे.

अलिबागमधील गणेश विसर्जनाला डुप्लिकेट अमिताभ बच्चन यांची हजेरी

अलिबागमधील गणेश विसर्जन मिरवणुकीत अमिताभ बच्चन यांना पाहाण्याची संधी आज अलिबागकरांना लाभली. अमिताभ बच्चन यांची हजेरी हा सर्वांसाठी आश्चर्याचा धक्का बसला. मात्र हे खरे बच्चन नसून त्यांचे डुप्लिकेट असल्याचे काही वेळात स्पष्ट झाले. बच्चन यांचे डुप्लिकेट असले तरी त्यांच्या सोबत हस्तांदोलन करणे, सेल्फी काढण्यासाठी अलिबागकरांनी एकच गर्दी झाली होती. अलिबागचा राजा या मंडळाने विसर्जन मिरवणुकीत एक विशेष आकर्षण म्हणून बच्चन यांच्या डूप्लिकेटला अलिबागमध्ये आणले.