ZP Election : जिल्हा परिषद निवडणुकीत गैरहजर, कामचोर ११९ अधिकाऱ्यांवर गंगापूरमध्ये गुन्हे

Maharashtra election commission action against absentee polling staff : छत्रपती संभाजीनगर जिल्हा परिषद आणि पंचायत समिती निवडणूक कर्तव्यासाठी नियुक्ती होऊनही गैरहजर राहिलेल्या ११९ शिक्षक, सहशिक्षक, शासकीय अधिकारी, कर्मचाऱ्यांवर आयोगाच्या आदेशावरून शनिवारी रात्री गंगापूर पोलिस ठाण्यात गुन्हे दाखल करण्यात आले आहेत. गट शिक्षणाधिकारी अरविंद यांनी तक्रार दिली. निवडणूक कामासाठी सर्व शासकीय विभाग, शैक्षणिक संस्थांचे प्रतिनिधी, सदस्यांची नियुक्ती करण्यात येते. तसे संबंधितांना आणि प्रमुखांना कळवले जाते. त्यानंतरही जबाबदारी टाळणाऱ्यांवर कारवाईचा इशारा निवडणूक निर्णय अधिकारी विजय राऊत यांनी दिला होता. तरीही तब्बल ११९ अधिकारी, कर्मचारी ४ व ६ रोजी आयोजित निवडणूक प्रशिक्षणास आणि निवडणूक कर्तव्यावर गैरहजर राहिले.