Indian Bank News । मॅनेजरच्या चुकीने शेतकऱ्याने गमावला जीव,बँकेच्या कार्यालयावर फेकलं शेण

कर्ज मंजूर होऊनही इंडियन बँकेने शेतकऱ्याच्या खात्यात जमा केले नाही. त्यामुळे छत्रपती संभाजीनगरच्या शेतकऱ्याने आत्महत्या केली आहे. या घटनेच्या विरोधात प्रहार संघटनेच्या कार्यकर्त्यांनी बँकेवर शेण फेकले आहे. छत्रपती संभाजीनगरच्या पिंपळखुटा गावातील शेतकरी विठ्ठल दाभाडे यांनी इंडियन बँकेकडे कर्जासाठी अर्ज केला होता. बँकेने अर्ज मंजूर करू कर्जही मंजूर केले होते. पण बँकेच्या मॅनेजरने पैसे मागितले. पैसे दिल्याशिवाय खात्यात पैसे जमा करणार नाही अशी धमकी मॅनेजरने दिल्याची माहिती दाभाडे यांच्या कुटुंबीयांनी दिली. त्यामुळे मॅनेजरच्या जाचाला कंटाळून विठ्ठल दाभाडे यांनी आत्महत्या केली.