VIDEO: शेतकऱ्यांना कर्ज नाकारणाऱ्या बॅंकांवर FIR दाखल करु, फडणवीसांचा बॅंकांना इशारा

पिक कर्ज घेणाऱ्या शेतकऱ्यांसाठी मोठी बातमी समोर येत आहे. कुठल्याही बॅंकेने शेतकऱ्यांना कर्ज नाकारु नये असं उपमुख्यमंत्री देवेंद्र फडणवीस म्हणाले आहेत. बँक आणि बँकर्स कमिटीला सीबील कारण सांगून कर्ज टाळता येणार नाही, सीबीलचे कारण सांगून जर कर्ज नाकारण्यात आले तर त्यांच्या विरोधात FIR दाखल करु असा इशारा फडणवीसांनी दिला आहे. राज्यातील शेतकरी, नागरिक यांना नैसर्गिक आपत्ती, शेती नुकसान भरपाईसाठी मदतीचे वाटप दि. ३० जून पर्यंत पूर्ण करावे, असे निर्देश मुख्यमंत्री एकनाथ शिंदे यांनी आज दिले. शेतकऱ्यांना वेळेवर मदत दिली पाहिजे. क्षेत्रिय अधिकाऱ्यांनी शेतकऱ्यांसाठी घेतलेल्या निर्णयांची अंमलबजावणी तातडीने करावी, असेही निर्देश मुख्यमंत्र्यांनी जिल्हा प्रशासनाला दिले आहेत.