Nilesh Rane : निलेश राणे शिवसेनेच्या तिकिटावर लढणार ?

निलेश राणे हे कुडाळ मतदारसंघातून निवडणूक लढवण्यास इच्छुक आहेत. त्यामुळे ते आता भाजपच्या की शिवसेनेच्या तिकिटावर निवडणूक लढवणार यावर चर्चा सुरू झाली आहे.

नारायण राणे यांचे पुत्र निलेश राणे हे कुडाळ - मालवण मतदारसंघातून आगामी विधानसभा निवडणूक लढवण्यास इच्छुक असल्याची माहिती समोर आली आहे. त्यानंतर आता त्यांना शिवसेनेच्या तिकिटावर लढवायचे की भाजपच्या तिकिटावर लढवायचे यावर लवकरच निर्णय होणार आहे. यासाठी नारायण राणे यांनी मुख्यमंत्री एकनाथ शिंदे यांची भेट घेतली आहे. कुडाळ - मालवण मतदारसंघात सध्या ठाकरे गटाचे वैभव नाईक यांच्या तब्यात आहे. आता येथून माजी खासदार निलेश राणे इच्छुक असल्याच समजत आहे. त्यामुळे राणे कुटुंबाला जर दोन तिकीट द्यायची वेळ आली तर एकाच पक्षातून दोन तिकीट द्यायची का? असा प्रश्न आहे. मग आता राणे कुटुंबातील एक शिंदे गटात प्रवेश करून मग शिवसेनेच्या तिकिटावर लढतील अशी शक्यता वर्तवली जात आहे.