Eknath Shinde : एकनाथ शिंदेंचं दबावतंत्र? भाजपने घेतली मोठी भूमिका

भाजपने सत्तास्थापनेसाठीच्या शपथविधीची तारीख परस्परच जाहीर केली आहे. त्यामुळे हा थेट सूचक इशारच भाजपने एकनाथ शिंदे यांना दिला आहे का? अशी चर्चा राजकीय वर्तुळात रंगू लागली आहे. शिंदेंच्या दबाव तंत्रात भाजप येणार नसून एकनाथ शिंदे यांनी फडणवीस सरकारमध्ये सामील व्हावं असा संदेश दिला आहे, असं देखील सूत्रांकडून बोललं जात आहे.

सत्तास्थापनेच्या निर्णयावर गेल्या आठवड्यात केंद्रीय गृहमंत्री अमित शहा यांची देखील एकनाथ शिंदेंनी भेट घेतली होती. यावेळी मुख्यमंत्रिपद मिळत नसेल तर गृह खात्यासह महत्वाची खाती देण्यात यावी अशी मागणी शिंदेंनी केली आहे, असं सूत्रांनी सांगितलं. याशिवाय विधान परिषदेच्या सभापतिपदाचीही मागणी एकनाथ शिंदेंनी केली. मात्र गृह खातं कोणत्याही परिस्थितीत सोडणार नाही या भूमिकेवर भाजप ठाम आहे. आता भाजपने थेट शपथविधीची तारीख जाहीर केली आहे. त्यामुळे भाजपसोबत सरकारमध्ये यावं असा सूचक संदेशच एकनाथ शिंदे यांना देण्यात आला आहे, अशा चर्चा राजकीय वर्तुळात होत आहेत.

Edited By Rakhi Rajput