VIDEO: बहीण लाडकी आणि विरोधकांना भरली धडकी, योजनेवरुन Eknath Shinde यांचा विरोधकांवर निशाणा

लाडकी बहीण योजनेवरुन मुख्यमंत्री एकनाथ शिंदे यांनी विरोधकांवर निशाणा साधला आहे. लाडकी बहिणी योजना, शेतकऱ्यांसाठी वीज पंप योजना अशा अनेक योजना राबवल्या असल्याचं शिंदे म्हणाले. योजना एका दिवसात होत नाहीत, त्या ८-१० महिन्यांपासून सुरू होत्या, योजना या निवडणुकीला डोळ्यासमोर ठेवून केल्या नसल्याचंही शिंदे म्हणाले. योजनेमुळे विरोधकांच्या पोटात दुखायला लागले, त्यांच्या पायाखालची वाळू सरकली त्यामुळे बहीण लाडकी आणि विरोधकांना भरली धडकी असं म्हणत जोरदार निशाणा साधला आहे. तसेच विरोधक कोर्टात गेले पण न्यायालयाने लाडक्या बहिणींना न्याय दिल्याचंही शिंदे म्हणाले.